සැම ලිනක්ස්/යුනික්ස් පද්ධතියකම පාහේ ජාලය සැකසීමට gui උපකරණ (gui tool) තිබුනද ඒවා එම පද්ධතියට ආවේනික ඒවා ය. එනම් ඔබට පුරුදු නැති යුනික්ස් පද්ධතියක් හමුවුනු විට ජාලය සැකසීමට පෙර එම උපකරණය පිළිබඳව ඉගෙන ගත යුතුය. ඒ වෙනුවට සෑම යුනික්ස් පද්ධතියකම පහේ ඇති ifconfig නැමති උපකරණ ඉගෙන ගැනීම වාසිදායක වේ.

සටහන්:

ජාල අතුරු මුහුනු (network interfaces) දැක්වීමට
# ifconfig -a

ජාල අතුරු මුහුනතක් පහත දමන්න හො නැවත ක්‍රියාත්මක කරන්න
# ifconfig eth0 down
# ifconfig eth0 up

ජාල අතුරු මුහුනතකට IP address එකක් ලබා දීමට
# ifconfig eth0 192.168.1.100
# ifconfig eth1 10.0.1.100 netmask 255.255.240.0

ifconfig එකට අමතරව තවත් වැදගත් වන, සෑම යුනික්ස් පද්ධතියක ඇති විධායකයක් නම් route ය. අපට වෙනත් ජාලයකට සම්බන්ධ වීමේදී අවශ්‍ය default gateway එක මෙම විධායකය මගින් මෙලෙස දිය හැක.
# route add default gw 192.168.1.254

default gateway එක ඉවත් කිරීමට
# route del default

default gateway එක දැක බලා ගැනීමට
# route
# netstat -r

මීට අමතරව අන්තර් ජාලයේ ඇති වෙබ් අඩවි වැනි දේ භාවිතා කිරීමෙදී IP address වෙනුවට මිනිසුන්ට පැහැදිලි DNS භාවිතා කරන අතර එය වෙනුවෙන් අවශ්‍ය DNS සවර /etc/resolv.conf එකට ඇතුලත් කළ යුතුය.
# echo ‘nameserver 203.115.0.43′ > /etc/resolv.conf
# echo ‘nameserver 203.115.0.46′ >> /etc/resolv.conf

නමුත් වඩාත් පහසු වන්නේ ඔබේ ජාලයේ DHCP සවරයක් මගින් ජාලය සැකසීම කරගැනීමය.
# dhclient eth0
# dhcpcd eth0

අපි බොහෙො දෙනා කැමති දෙයක් තෙබේනම් එය ජනප්‍රියත් වය පෙන්වන top charts. ලිනක්ස් බෙදාහරින්නන්ගේත් (Linux distributions) ජනප්‍රිය ලැයිස්තුවක් distro watch නම් වෙබ් අඩවියෙන් දැක බලා ගත හැකිය. මුලින් මෙම charts පෙන්වන්නේ පසු ගය මාස 6 දත්ත ඇසුර ගෙනවුවද Data span: drop-down යොදා එය පසු ගිය දින 7 දක්වාද ලබා ගත හැකිය.

ඊට අමතරව distro watch වෙබ් අඩවියෙන් ලිනක්ස් ඩිස්ට්‍රො ගැන තොරතුරු ද ලබා ගත හැක.

ගොඩක් අය හිතන් ඉන්නෙ hacker කෙනෙක් උනාම අනික් අයගෙ passwords බිඳ දමල, ඔවුන් ගේ accounts වලට ඇතුල් වෙලා, බැන්කු වලින් සල්ලි අවශ්‍ය ලෙස ගත හැකි සිරා උදවිය ලෙසටයි. සමහර විට මෙයට ජනමධ්‍ය විසින් ලබා දෙන වැරදි වචන භවිතය නිසාත්, Hackers වැනි Hollywood විත්‍රපට මගින් අප වෙත තැන්පත් කර ඇති ආකල්ප නිසා මෙය සිදුවෙන්නට ඇත. නමුත් ඔවුන්ට වැරදුනේ එතනයි.

මන්ද, FOSS සහ geek ලොකයේ නම්, hackers ල කියන්නෙ තරමක් සිරා, නමුත් හොර වැඩ, නීති විරෙොධී වැඩ කරන උදවියට නම් නොවෙයි. අප මෙවන් පුද්ගලයන්ට කියන්නෙ crackers කියලයි.

Crackers ල වැඩ කරන්නේ ඔවුන්ගේ පවුද්ගලික වාසි තකා පමණයි. ඔවුන් බොහෙො දෙනෙක් ඇත්තටම hack එක වැඩ කරන අන්දම ගැන දන්නෙ නෑ. ඔවුන් දන්නේ වෙනත් අයකු සොයා ගත් දෙයින් වාසි ලබා ගැනීම පමණකි.

Hackers ල කියන්නේ ඊට හාත් පසින් වෙනස් අය. ඔවුන් යමක් කරන්නේ එක්කො දැනට වඩා කෙටි ක්‍රමයක් හොයා ගැනීමට ඇති අශාව හෙො, තමන් ගේ නිදහසට භාදාවක් වන දෙයක් මඟ හරවා ගැනීම හෙො මෙතෙක් නොකල ජාතියේ වැඩක් කිරීමෙන් ලැබෙන තෘප්තිය හා පිළිගැනීම වැනි කාරන නිසාය.

ඔබටත් hacker කෙනෙක් වීමට අවශ්‍ය නම් ඒ සඳහා මහන්සි වීමට සිදු වනු ඇත. පහත දැක්වෙන්නේ ඔබ ප්‍රගුන කළ යුතු එවැනි කාරණා කිහිපයකි. සම්පූර්ණ විස්තරයක් සඳහා ESR ගේ How to become a hacker FAQ ලිපිය කියවන්න.

Hacker කෙනෙක් ගේ ආකල්පය:

• අලුත් ගැටලු විසඳීමට ඇති කැමත්තක්
• නිකරුනේ කාලය ගත කරන වැඩ අචම කිරීම. උද: tv එක ඉස්සරහා පැය ගනන් ගත කිරීම. එවෙනුවට මනස ව්‍යයාම වන ප්‍රහේලිකා හෙො චෙස්, සුඩොකො වැනි ක්‍රිඩා වල යෙදීම
• නිදහසට කැමැත්තක්. නිදහස වෙනුවෙන් කැපකිරීම් හො එය ලබා ගැනීමට උත්සහා කිරීම
• තනියම ඉගෙන ගැනීමට කැමැත්ත. ඒකියන්නෙ තනියම class යන එක නොවේ

Hacker කෙනෙක්ගේ මූලික හැකියාවන්:

• පරිගණක භාශා එකක් හො වැඩි ප්‍රමාණයක් දැන සිටීම. විශේෂයෙන්ම C/C++, Perl, Python, Bash Shell වැනි දේ දැන සිටීම
• පරිගණක මෘදුකාංග සම්පදනය කිරීමේ හැකියාව තිබීම.
• UNIX දැන සිටීම
• Commandline එකේ වැඩ කිරීමේ හැකියවක් තිබීම
• ඉන්ග්‍රිසි ප්‍රයෙොජනවත් තරමකට තේ රුම් ගැනීමේ සහ ලිවීමේ හැකියව

දැන් ඉතිං ඔබ දන්නව ඇති සිංහලෙන් ෆොස් පොඩ්කාස්ට් කියන්නෙ මොකක්ද කියලා. ඒත් තාමත් කුතුහලයක් තියනව නම් මේ වැඩේ ගැන, මේ ලිපිය කියවලා ඒකත් නැති කර ගන්න. අපේ පොඩකාස්ට්
එකෙන් උපරිම ප්‍රයෝජනය ගන්න.

සති දෙකකට වරක් ඔබ වෙත ගෙන එන මෙහි අපි FOSS ලෝකයේ අළුත් පුවත් ගෙන එනවා. Bud, Seejay එක්ක මමත් වැදගත් පුවත් හොයලා ඒ ගැන අපේ අදහස් එක්ක තවත් ගොඩක් කරුණු අපේ දැණුම
තරමින් කියනවා. ඒකයි අපේ පුවත් වල වෙනස. ඒ වෙනසට කවුරුත් කැමති ඇති කියන එකයි අපේ විශ්වාසය. අප ඇමතූ වැඩි දෙනෙක් ඒක අගය කරලත් තිබුනා.

දෙවනුව අපි සිදු කරන්නෙ තෝරා ගත් විශේෂ මාතෘකාවක් පිළිබඳ කථා බහ කිරීම. ඒක බොහෝ විට කාටත් එක වගේ වැදගත් මාතෘකාවක් වන විදියටයි අපි තෝරා ගන්නෙ. විශේෂ මාතෲකාවක් නැතිනම් අපි
විශේෂ කෙනෙක් සමග සාකච්ඡා කරනවා.

කාලය හසුරුවා ගනිමින් අලුත් අලුත් දේ කියා දෙන්නත්, අසන්නන්ගේ ගැටළු, ඉල්ලීම් වලට පිළිතුරු දෙන්නත් අපි කටයුතු කරනවා.

මෙහෙම තමයි දළ වශයෙන් අපි යන්නෙ. ඒ ගමනට ඔබේ දායකත්වය, මග පෙන්වීම අත්‍යවශ්‍යයි. අප සමග රැඳී සිටින්න.